صحيح افترقنا ..بقلم / رماح رماح

صحيح افترقنا .رضينا الفراق
لكن غصب عنى غيابك وجع
بعيش نص روح
ونصى اللى تاه
رفض انه يرجع يعيش مرتجع

ف قسم سكاته وحلمه اللى فاته
وسسستم حياته .فرش جوه ظلك
غموض مصطنع

ومدد بشوقه على جبين سراب
وقال انه أقوى وقلبه ضباب
وشافك وضوح لو انك غياب
وقال إنه يقدر يكمل جدع

ورغم احتياجه رفض ضلع جودك
وكفن انينه اللى كان حلم دودك
وعافر جناحه ما يلمس حدودك
برغم أن  ضعفى فى قلبك ركع
#فراكيش
#رماح

وبعشقك قلبك الدافي ..بقلم رماح رماح

وبعشق قلبك الدافى
وبحضن كل دقاته
عشان الحلم كان صافى
وبكر وصوته ف سكاته
بلاش تكتب حروف اسمى
على نبضك وتتمنى
حبيبي ميعادنا كان مظبوط
ولسه لقانا فى الجنه
#فراكيش
#رماح

انتى الرصيد وانتى السند...بقلم / رماح رماح

انتى الرصيد وانتى السند
وانت الإمام اللي اتولد
وانتى اللى باقيه ف قلبي
مهما العمر شاب..

بس الحقيقه.. طالبه منك كام جواب..
هو انتى فعلا م البشر
ولا انتى حور؟؟..
واذا كنتى يعنى من البشر
ليه بانيه جوه عنيكى سور؟
كل أما أحاول المسك القاكى نور ..
واذا كنتى حور ومن السما
عندك جناح!!؟..
ليه كل مااجى اكلمك
ألقى كل كلامى راح؟..
ليه كل ما أجى احضنك ألقى البراح؟؟
ليه ضلى طارح ف المدى؟
ليه ف البعاد بلقى الدموع متسرسبه؟
واجرى عليكى كانى جامع 100سراب..
ف توضا من صمتك حياء
وافرش ضلوع من عفتك
وايديكى سبحه بذكر باح
أنى نصيبك.قسمتك..
مع انى بتكلم سكوت
انانفسي اصلى هناك واموت..
وهتبقا آخر دعوتى
انك نصيبى ف دار خلود..
وساعتها مش هتقرق بقا
اذا كنتى أنس ولا حور..
انا حلمى الف الدنيا بيكى
راضى اخطيلك بحور
نفسي أجمع من شعاعك
كل فتله لاضمه نور..
واغزل ف توبك حكمتى
انا بيكى يكمل نص دينى
وانتى مفتاح جنتى
‫#‏فراكيش‬‫#‏رماح‬