بلقيس عادت بقلم الشاعر : محمد محمود

بلقيس عادت من جديد
عبرت حدود الازمنة
وحلت فوق ازمنتى
تحوطها الاسرار
تبدو كما تبدو
بنات الجن
فى حكايا شهرزاد
مسحورة
يحرسها الف جنى
قديم
تدنو اذا شاءت
لتلمس جبهتى
وتكاد صفحة صدرها
ان تحتوى رأسى
فاذا هممت اضمها
مالت كغصن عاطر
ثم طارت مثل عصفور
شريد
جاءت 
لتشعل جذوة الشوق
العنيد
جاءت فحرضت القصائد
فى مدادى
جاءت هنا
من بعد ما سكنت 
بحور الشعر
والهمت الاوائل
ضحكاتها مثل السنابل
تمشى
تميد الارض خلف ظلالها
سامقة 
كنخلة عربية
ورشيقة
مثل الايائل
بلقيس
ما اقسى اشتهائك
وما اقصى المسافة بيننا
رغم اقتراب الحلم
ايتها الاميرة
بينى وبينك الف حائل.

صليت عليه بقلم الشاعر : محمد سمير

مستغربك..
تزعل أوي..
لو حد هانك بالأوى..
أو حتى قال انك غبى..
كان آولي تزعل لما شارلى 
سَبِّت فـ سيّدنَا النبى..

ازاى وليه..
تقبل بـ دا / و ازاى يكون..

سِيِدنَا النبى..
سيرته وكلامه مَكْحَلَه لكل العيون..

أنا عندى كل الكون يزول..
ومافيش بشر يقدر يقول ..
ولا نص كلمه ع الرسول..

وصفوه زمان
بالسحر والكفار عابوه
وبرغم دا / كان كل واحد منّهُم
يتمنى يبقى المصطفى صاحبه و أخوه

يتمنى يبقى المصطفى كل اللى ليه
وهاقولك ايه
صليت عليه

جري‬ الوحوش.....بقلم / محمد صبري

#‏جري‬ الوحوش

إصطبحنا.......
والملك وحده لربنا
يومنا إبتدي.....
نقوم ونسعي لرزقنا
نجري ندور ع الفطار.....
قبل ما يفوت النهار.....
و قبل ما تفوق الوحوش...
يا رب سلم....
يا رب حوش....
دولا ما بيقفوا إنتظار
اليوم بنقضيه ف المطاردة
يجروا ورايا ......
و في أي خن منهم بستخبي
مهوا إللي مكتوب ع الجبين
هتشوفه عيني
وزيي موجود ألف عين
عيني علينا......... الغلبانين
حياتنا صعبة.....قصيرة
واكلين ف بعض زي ما يكون السمك
الله؟؟!!!!!!!!!!!!!
و زي ليه !!!!!!!!
طب م أنا أبقا السمك
م أنا شبارة صغيرة


محمد صبري

حطيت دماغي ونمت بقلم الشاعر : ياسر نور

يا مكملين – عن بُعد – الرحلة في الشريان
يا شاهدين – عن قُرب –
مجد انبلاج البذرة والتكوين
رعشة ميلاد الشِعر ونبتة الفنان
على عَهدي .. فيلم قديم
مستعصي ع التلوين
بس اصطفيت والحُزن
يسكن بقلب رحيم
يخرج بطعم جميل
.......................
على عَهدي مش عريان
لكنّي ما لبسْتِش
على عهدي مش حفيان
لكنّي ما ركْبتِش
ورد العيون فتان
لكنّي ما قَطَفتِش
قلبي بكفَافُه اكتفى
أَحَبْ حَبّ ونَّوَى
وخاصِم الرُمان
لفيت كوفية دفا
دراعِك النَحْفَان
أويت من الزفزفة
لجـِفنِك الشقيان
على سيرة المصطفى
حطيت دماغي ونـِمت .