جري‬ الوحوش.....بقلم / محمد صبري

#‏جري‬ الوحوش

إصطبحنا.......
والملك وحده لربنا
يومنا إبتدي.....
نقوم ونسعي لرزقنا
نجري ندور ع الفطار.....
قبل ما يفوت النهار.....
و قبل ما تفوق الوحوش...
يا رب سلم....
يا رب حوش....
دولا ما بيقفوا إنتظار
اليوم بنقضيه ف المطاردة
يجروا ورايا ......
و في أي خن منهم بستخبي
مهوا إللي مكتوب ع الجبين
هتشوفه عيني
وزيي موجود ألف عين
عيني علينا......... الغلبانين
حياتنا صعبة.....قصيرة
واكلين ف بعض زي ما يكون السمك
الله؟؟!!!!!!!!!!!!!
و زي ليه !!!!!!!!
طب م أنا أبقا السمك
م أنا شبارة صغيرة


محمد صبري