يا عنترة بقلم الشاعر : خالد الطبلاوي

يا عنتره

قول لي يا فارس إيه جرى ؟

يا هل ترى

إيه اللي حاصل للمغاوير العرب ؟

كنت اسمعك بتقول زمان

في شعر أعجب م العجب :

" وأغض طرفي إن بدت لي جارتي = حتى يواري جارتي مثواها"

دلوقت فيه ضرب البنات

سحل البنات

قتل البنات

حبس البنات

وبيقتلوا كل اللي يرفض

أو يشوفوا ف وشّه ألوان الغضب

يا عنتره :

إيه السبب ؟

قال لي : المغاوير ودَّعوا

وما عادش غير حبة بلاوي

ومسخره وقلة أدب