مفتتح بقلم الشاعر : محمد سمير

( المجد كل المجد ) للإنسان إذ قال : "نعم"

مفتتح
......

مين ده اللى يفارق عشرة عمر بقالها سنين..
أنا لما بضمك بس عشان مشتاق جدا
لضلوعى اللى بتكمل بيكى حاجه وعشرين..

المعادله :
..........

لما حوا كسَّرت ضلعك يا ادم
وابتدت رحلة حياه..
أصبحت بضلوعها كامله..

رغم كونها خلّفت أدم يا أدم
هوا خارج ضلع ناقص
أما هيا ضلوعها كامله..

المعادله :
ضرب حسبه مش بسيطه
ناتج الحسبه : الحياه

لما ضوء الشمس يدخل
كل حاجه بدون إحم / إلا الرحم

هو انت مين؟؟
انت آدم جوه حوا !!
بس جوه (قرار مكين)
وبخروجك..

رحلة التمكين هتبدأ
هى رحلة ألف ميل؟

لما نحفظ ربنا _ يبقَلنَا مبدأ
نجتهد _ نعمل بجد _ ويتحفظ بردو الجِمِيل..

المعادله : ناقصه حاجه
ناقصه صبر يكون جَمِيِل..
نقدر معاه نصلب فى ضهر الدنيا زق

المعادله :
أصل كل حاجه ( آه )
مش أصل كل حاجه ( لأ )