واتقلبت الموازين....بقلم الشاعرة / صابرين مراد

واتقلبت الموازين
وطلعت انا الظالم
والجانى بقى مظلوم
وكنت أنا الحاكم
دلوقتى أنا محكوم
بإيدى أنا السجان
دلوقتى أنا مسجون
واتقلبت الموازين
إمشى وبص فى الوشوش
ع الوش فيكى يامصر الحسرة مكتوبة
اللى ضناها اتقتل ،
،واللى حبيبها اعتقل
واللى فى علم الغيب
آهاته محسوبة
كانت زمان الأمان
دلوقتى بقت الخوف ،،واتقلبت الموازين
الحر فيها مهان
والعبد فيها مصان
وإللى إتحنت له الشجاعة
باين فى اصله جبان
واتقلبت الموازين
وشيوخ بتخطب فينا
فوق المنابر نور
إزاى تصوم وتصلى
وإزاى تكون مقبور
والدم لما اتسفك
ولوا ودخلوا جحور
مهما تلف والف
هرجع واقولك غور
يادقون بلا اديان
اتقلبت الموازين
#صابرين_مراد